Kabulda Türkmenistanyň ilçisi Hoja Öwezowyň Owganystanyň dag magdan senagaty we nebit ministriniň wezipesini ýerine ýetirýän Hedaýatulla Badri bilen duşuşygy geçirildi. Bu barada Bakhtar News owgan agentligi ministrligiň Metbugat gullugyna salgylanyp habar berýär.
Duşuşygyň barşynda taraplar Türkmenistan - Owganystan - Pakistan - Hindistan (TOPH) gaz geçirijisiniň taslamasynyň durmuşa geçirilişini we ikitaraplaýyn hyzmatdaşlygyň beýleki meselelerini maslahatlaşdylar.
Ilçi Öwezow Badrini täze wezipä bellenilmegi bilen gutlap, TOPH taslamasynyň häzirki ýagdaýy barada maglumat berdi, hususan-da, gazanylan netijeler we ýuridiki taraplary barada habar berildi. Ilçi şeýle hem ýakyn wagtda meýilleşdirilýän hereketler barada gürrüň berdi.
Taraplar TOPH taslamasy boýunça işleri mundan beýläk hem ilerletmegiň wajyplygyny bellediler. Hedaýatulla Badri ministrligiň taslamany tiz wagtda durmuşa geçirmäge gyzyklanma bildirýändigini tassyklady.
