«Ýüpek ýoly»: Daňatarowyň ekipažy onunjy tapgyrda ýeňiş gazandy, türkmen ralliçileri ilkinji üçlükde

  • 15.07.2024 11:15
  • 9.2k+

“Ýüpek ýoly” ralli-marafonynyň onunjy tapgyry gatnaşyjylar üçin hakyky synaga öwrüldi. Ýaryşa gatnaşyjylar Mongoliýanyň Baýanhongor we Mandalgobi şäherlerini birleşdirýän 562,86 km (şol sanda 307,64 km ýokary tizlikli ýörite ýol) aralygy geçip, şondan soň tehnika özbaşdak hyzmat etmeli boldular.

Iň soňky tapgyrdan öňki tapgyr ýokary tizlikli sähra ýollaryndan we aýlawly daşly ýollardan geçdi, bu hem şturmanlardan ýokary ünslüligi, sürüjilerden bolsa ussatlygy talap etdi.
T2 ulaglarynyň sanawynda Türkmenistanyň Awtomobil sport federasiýasyndan Maksatmyrat Daňatarow ýeňiş gazandy. Ol Mihail Mitýaýewden alty minut öňe geçdi. Liderleriň üçlügini umumy sanawda birinji orny eýeleýän Andreý Suşensow jemledi.
Suşensowyň ekipažy (S&A Racing) bäş sagatdan gowrak tapawut bilen umumy sanawda öňdeligi saklaýar. Ikinji orny “Türkmenawtoulaglary” agentliginden doganlar Merdan we Şöhrat Toýlyýewler eýeleýär, üçünji orunda Daňatarow ýerleşýär.
“Ýüpek ýoly” ralli-reýdi 15-nji iýulda tamamlanar.


düýn 23:57
3.5k+

Türkmen agyr atletikaçylary Tähranda Fajr Cup ýaryşynda 8 altyn medal gazandylar

2025-nji ýylyň 26-30-njy noýabry aralygynda Eýranyň paýtagty Tähranda halkara agyr atletika ýaryşy geçirilýär, bu ýerde Türkmenistanyň milli ýygyndysy üstünlikli gatnaşýar. Türkmen türgenleri eýýäm 12 medal gazandylar, şol sanda 8 altyn we 4 bürünç medal...

26.11.2025 10:39
4.5k+

9 altyn, 6 kümüş we 3 bürünç: Türkmen karateçileri Daşkentde geçirilen Aziýa çempionatynda üstünlikli çykyş etdiler

Türkmenistanyň milli ýygyndysy adaty karate boýunça Aziýanyň çempionatynda üstünlikli çykyş etdi. Ýaryş 2025-nji ýylyň 15–25-nji noýabry aralygynda Özbegistanyň paýtagty Daşkentde geçirildi. Türkmen türgenleri jemi 18 medala: 9 altyn, 6 kümüş we 3 bürünç medala mynasyp boldular...

25.11.2025 17:28
4.4k+

Türkmen tennisçileri Dewisiň Kubogy ugrundaky zolaklaýyn ýaryşyň ähli duşuşyklarynda ýeňiş gazandylar

Türkmen tennisçileri Dewisiň Kubogy ugrundaky zolaklaýyn ýaryşynda aýdyň üstünlik gazanyp, 2026-njy ýylda Aziýa we Okeaniýa zolaklarynyň IV toparynda çykyş etmäge hukuk gazandylar. Bu ajaýyp waka Isa-Taun şäherindäki...

25.11.2025 17:08
8.2k+

Türkmenistanly karateçi Ýaponiýanyň Maebasi şäherinde dünýä çempionatynda çykyş eder

Türkmenistanyň Kiokuşinkaý karate boýunça milli ýygyndysynyň agzasy Meýlis Paşagulyýew "The World Weight Kyokushin Karate Tournament – Japan 2025" dünýä çempionatyna gatnaşmak üçin Ýaponiýanyň Maebasi şäherine ugrady...