11-nji iýulda Birleşen Milletler Guramasynyň Ilat Gaznasynyň wekiliýeti (UNFPA) we Türkmenistanyň Gyzyl Ýarymaý Milli jemgyýeti (TGÝMJ) özara düşünişmek hakynda Ähtnama gol çekdiler. Bu Ähtnama durmuş taýdan hyzmatlary ýerine ýetirmek we zorlugyň netijesinde agyr durmuş ýagdaýyna düşen maşgalalara goldaw bermek pudagyndaky hyzmatdaşlygy berkitmäge gönükdirilendir diýip, UNFPA-nyň Türkmenistandaky wekilhanasynda habar berdiler.
Bu strategiki hyzmatdaşlyk zenanlaryň we maşgalalaryň ýüzbe-ýüz bolýan wajyp meselelerini çözmek üçin taraplaryň tejribesini we serişdelerini birikdirýär.
UNFPA-nyň Ýurt boýunça direktory jenap Ronni Lindstrom şeýle belledi: “Biz zenanlaryň we gyzlaryň durmuşyny gowulandyrmak üçin Türkmenistanyň Gyzyl Ýarymaý Milli jemgyýeti bilen hyzmatdaşlygymyza örän guwanýarys. Bu hyzmatdaşlyk bize bilelikde Türkmenistanyň bütin ilatynyň saglygyna we abadançylygyna uzak möhletleýin oňyn täsir etjek maksatnamalary işläp düzmage we olary ýerine ýetirmäge mümkinçilik berer.
