Ýewropa Bileleşigi tehnologiýa kompaniýalarynyň işini kadalaşdyrmak üçin düzgünleriň toplumyny girizip, emeli aň baradaky kanuny resmi taýdan tassyklady. The Verge neşiriniň habar bermegine görä, iki ýylyň dowamynda işlenip düzülen bu kanun emeli aňyň ulanylyşynyň käbir görnüşlerini gadagan edýär we işläp düzüjileriň öňünde berk talaplary goýýar. Resminamanyň doly teksti ÝB-niň resmi web sahypasynda ýerleşdirildi.
2024-nji ýylyň 1-nji awgustyndan güýje girjek bu kanun raýatlaryň hukuklaryna howp salýan AI programmalaryny, adamlary ynançlaryna we şahsyýetlerine baglylykda biometrik kategoriýalaşdyrmak, şeýle hem ýüz keşpleriň suratlaryny Internetden ýa-da gözegçilik kameralarynyň ýazgylaryndan rugsatsyz almak ýaly hereketleri gadagan edýär. Işläp düzüjiler algoritmiň aýdyňlygyny üpjün etmeli we ulanylýan maglumatlar hakda maglumat bermeli.
Kanun awtorlyk hukugyna hormat goýmaly we aç-açan algoritmlere eýe bolmaly çat-botlar ýaly, “ählumumy AI ulgamlary” düşünjesini girizýär. Düzgünnamalaryň aglabasy 2026-njy ýylyň awgustyna çenli güýje girer we möhüm pudaklarda ulanylýan ýokary töwekgelçilikli ulgamlar üçin möhlet 2027-nji ýylyň awgustyna çenli uzaldyldy.
AI hakyndaky kanuny bozmak agyr jerimeleriň salynmagyna sebäp bolup biler: gadagan edilen AI-ni ulanmak 35 million ýewro çenli ýa-da kompaniýanyň ýyllyk girdejisiniň 7% -i we beýleki düzgün bozmalar üçin oňa görä az, ýöne şonda-da ep-esli jerime salnar.
