Xiaomi Pekiniň Çanpin sebitinde adam gatnaşmazdan gije-gündiz işlejek täze ýokary tehnologiýaly zawod açdy. Bu barada Gizmochina habar berýär.
Kompaniýanyň baş müdiri Leý Szýunyň aýdyşy ýaly, bu “garaňky zawod” biri-biri aragatnaşyk saklamaga we günde 24 sagat sekuntda bir smartfon öndürmäge ukyply intellektual maşynlar bilen enjamlaşdyrylandyr.
Zawod öňdebaryjy howa arassalaýyş ulgamlaryny ulanyp, mikron derejesinde arassaçylygy saklaýar. Önümleriň hili Xiaomi tarapyndan işlenip düzülen intellektual ulgamlar arkaly gözegçilikde saklanýar.
Taslama maýa goýumlar 330 mln dollar boldy. Zawodyň meýdany 81 000 inedördül metr. Zawodda ykjam telefonlary öndürmek üçin 11 hatar, şeýle-de awtomobil elektron bölekleriniň önümçiligi boýunça hatarlar gurnaldy.
Zawod ýyllyk önümçilik kuwwaty 10 mln flagman smartfony bolan “intellektual önümçiligiň milli etalon kärhanasy” hökmünde tassyklandy.
Bu ýerde Xiaomi MIX Fold 4 we Xiaomi MIX Flip modelleriniň çykarylmagyna garaşylýar.
