Apple dünýäniň iň gymmat kompaniýalarynyň sanawynda Nvidia-dan we Microsoft-dan öňe geçip, öňdebaryjylygy gaýdyp aldy. Kupertinoly ägirdiň bazar bahasy bir aýda 18% ýokarlanyp, rekord 3,5 trln dollara ýetdi.
Ýakynda bu sanawda Nvidia Apple bilen Microsoft-dan öňe geçip, birinji orny eýeläpdi. Indi bolsa öňdebaryjylygy Apple aldy. Microsoft 3,42 trln dollar kapitalizasiýa bilen ikinji orny eýeleýär, ol bir aýda 7,6% ösüş görkezdi. Nvidia 3,21 trln dollar görkeziji we 7,3% ösüş bilen üçlügi jemledi.
Bu kompaniýalaryň arasyndaky bazar bahalarda tapawudyň bary-ýogy 100-300 mlrd dollardygyna garamazdan, ýakynda täze üýtgeşmeleriň bolmagy-da ähtimal.
Ýöne olara ýakyn bäsdeşleriň 2,5 trln dollar görkezijiden geçmeýändigini göz öňünde tutsaň, häzirlikçe liderleriň üçlügi üýtgemän biler.
