Honda we Sony ýapon kompaniýalary elektrik awtoulaglaryny (EV) öndürmek üçin bitewi platforma döretmegi meýilleşdirýändiklerini mälim etdiler. Ilkinji modeller 2026-njy ýylda peýda bolar diýip, ITHome habar berýär.
Umumy şassini döretmekde iki kompaniýanyň birleşmek karary elektrik awtoulaglaryny döretmek üçin çykdajylaryň köp bolmagy bilen baglanyşyklydyr. Çaklamalara görä, elektrik awtoulaglaryny öndürmegiň çykdajylary 600 million dollardan geçip bilýär. Ýeke-täk platformanyň döredilmegi kompaniýalara çykdajylary azaltmaga we prosesi çaltlaşdyrmaga mümkinçilik berer.
Platformanyň esasynda iki sany elektrik awtoulagy bolar: Honda tarapyndan öndürilen “0 Series” arassa elektrik awtoulagy we Sony Honda Mobility tarapyndan öndürilen Afeela elektrik awtoulagy. Sony Group we Honda-nyň bilelikdäki Sony Honda Mobility kärhanasy 2030-njy ýyla çenli üç sany elektrik awtoulagyny satuwa çykarmagy meýilleşdirýär.
Ilkinji sedan 2025-nji ýylda hödürlener. Wnedorožnik 2027-nji ýylda bazara çykar. 2028-nji ýylda bolsa köpçülikleýin bazara ykjam sedan çykarmak meýilleşdirilýär.
