Iňlis milliarderi, Preqin şereketiniň esaslandyryjysy we eýesi Mark O'Hara kompaniýany satandan soň, işgärlerine 653 million dollar paýlamak kararyna geldi. Bu barada Fortune žurnaly habar berýär.
Işewüriň kompaniýada 80% paýy bar, şonuň üçin özi we aýaly Lindi O'Hara bilen şertnamadan 3,32 milliard dollar alar hem-de bu şertnamadan, takmynan, 2,6 milliard dollary özlerine alyp galarlar. Satuwdan alnan girdejiniň galan 20%-i Preqiniň ýolbaşçylarynyň we 1500 töweregi işgäriň arasynda paýlanar.
2002-nji ýylda esaslandyrylan Preqin kompaniýasy maliýe bazarlary we alternatiw maýa goýumlary baradaky maglumatlary ýygnaýar we seljerýär. Iýul aýynyň başynda ony dünýäniň iň uly maýa goýum kompaniýalarynyň biri bolan Amerikanyň BlackRock kompaniýasy satyn aldy. O'Hara indi BlackRock-da wise-prezident bolar.
Preqin-iň soňky üç ýylda “rekord görkezijilere ýetendigi” we girdejisini 20 göterim ýokarlandyrandygy bellendi. Ylalaşyk tamamlanandan soň, telekeçi we onuň aýaly Lindi Angliýanyň iň baý 100 adamynyň hataryna girer.
