«Metallica» amerikan toparynyň Gresiýanyň paýtagtynda geçiren konserti mikroseýsmiki sarsgynlara sebäp boldy. Çykyş Afinanyň Olimpiýa stadionynda bolup geçdi we ol toparyň Ýewropa boýunça syýahatynyň başlangyjy boldy.
«Ekathimerini» gazetiniň Afinanyň geodinamiki institutynyň maglumatlaryna salgylanyp habar bermegine görä, konserte 80 müňden gowrak adam gatnaşdy, ýene 10 müňe golaý adam bolsa meýdançanyň golaýynda ýygnandy.
Çykyş wagtynda topar elektrogitaralarda sirtaki ýerine ýetirdi — bu tans we oňa degişli saz režissýor Mihalis Kakoýannisiň «Grek Zorba» (1964) filmi üçin döredilipdi. Şeýle hem grek rok topary «Trypes-iň» meşhur «De Horas Pouthena» kompozisiýasy ýaňlandy.
Geçen ýylyň ýazynda «Metallica» toparynyň ABŞ-da geçiren konserti hem seýsmiki işjeňlik bilen utgaşypdy. Şonda «Enter Sandman» aýdymynyň giriş bölümi ýerine ýetirilen wagty 60 müňe golaý tomaşaçy işjeň böküp başlady.
