Warner Bros. we Apple Original Films “Formula 1” ýaryş filminiň treýlerini görkezdi, onda Bred Pitt öňki ýaryşçy Sanni Heýsiň keşbini ýerine ýetirýär.
Sýužet boýunça Heýs APXGP toparyndaky ýaş ýaryşçy Joşua Pirsiň (Demson Idris) tälimçisi we hyzmatdaşy bolýar.
Filmiň režissýory Jozef Kosinski (“Top Gan: Mewerik”). Şeýle-de, aktýorlaryň düzüminde Hawýer Bardem, Kerri Kondon, Tobaýas Menzis we Kim Bodnia hem bar.
Filme Bred Pittiň özi, şeýle hem “Formula-1”-iň ýedi gezek çempiony, Mercedesiň sürüjisi Lýuis Hemilton prodýusserlik etdi.
Film Beýik Britaniýanyň Gran-Pri-sini we Daýtondaky Rolex 24 sport awtoulag ýaryşyny öz içine alýan hakyky “Formula 1” ýaryşlarynda surata düşürildi. Treýlerde Queen-niň dinamiki atmosferany döredýän “We Will Rock You” atly aýdymy goýberilýär.
Film ilkinji gezek 2025-nji ýylyň 25-nji iýunynda halkara derejesinde görkeziler.
Geçen ýyl Pitt Golliwuddaky iş taşlaýjylary goldamak üçin “F1” filminiň surata düşürilişini togtadypdy. Muňa garamazdan, taslama ýaşyl yşyk açyldy we ol çykarylmaga taýýar.
