«Roskosmos» amerikanlaryň Aýa barandygyny tassyklady

  • 08.07.2024 22:29
  • 10k+

«Roskosmos» döwlet korporasiýasynyň başlygy Ýuriý Borisow amerikan astronawtlaryň Aýda bolandygyny tassyklady. Bu hakda ol Döwlet Dumasyndaky «Hökümet sagadynda» eden çykyşynda habar berdi.

«Elimizde munuň dogrudygyny tassyklaýan tutaryklar bar — amerikaly astronawtlar Aýyň üstünden alyp gaýdan toprak nusgalarynyň bir bölegini rus kärdeşlerine gowşurdylar. Russiýanyň Ylymlar akademiýasynyň bilermenleri Aýdan getirilen topragy öwrenmek boýunça giň gerimli ylmy seljerme-barlag işlerini alyp bardylar. Ylmy netijeler getirilen nusganyň hakykatdan-da Aý topragyna degişlidigini ýüze çykardy. Bu bolsa amerikaly astronawtlaryň Ýeriň tebigy hemrasyna barandyklaryny tassyklaýar» — diýip, Borisow belläp geçdi.

Ýadyňyzda bolsa, 1969-njy ýylyň iýulynda Nil Armstrongyň ýolbaşçylygyndaky «Apollon 11» missiýasynyň kosmonawtlary adamzat taryhynda ilkinji gezek Aýa aýak basypdylar. Aý topragynyň nusgalaryny alyp, Ýere gaýdyp geldiler we kosmos ylmy gözleglerinde täze eýýamy açdylar.
Şeýle hem, Hytaýyň «Çanýe-6» («Chang'e-6») kosmos enjamynyň adamzat taryhynda ilkinji gezek Aýyň arka tarapyndan alnan toprak nusgalaryny Ýere getirendigini bellemelidiris. «Çanýe» ýa-da «Çan E» — gadymy hytaý mifologiýasynda Aý taňrysynyň adydyr.


25.09.2025 21:02
4.1k+

Perdýu uniwersiteti öz uçurymlaryndan we işgärlerinden kosmosa ekipaž iberer

Perdýu uniwersiteti (Indiana ştaty, ABŞ) 2027-nji ýylda işgärler we uçurymlar toparynyň Virgin Galactic kompaniýasynyň kosmoplanynda suborbital uçuşa iberiljekdigini habar berdi. Bu taryhda sap uniwersitet ekipažynyň ilkinji uçuşy bolup, Perdýunyň resmi däl “kosmos uniwersiteti” adyny berkider diýip, Space...

23.09.2025 17:38
2.6k+

Astronomlar Saturnyň atmosferasynda täsin “altyburçly ýyldyzy” gördi

Astronomlar ilkinji gezek polýar şöhlelenmesi wagtynda “Jeýms Uebb” teleskopynyň kömegi bilen Saturnyň atmosferasyny giňişleýin öwrendi. Bu hem planetanyň gaz gatlaklarynda üýtgeşik şekilleri ýüze çykarmaga mümkinçilik berdi...

20.09.2025 17:13
5.2k+

Äleme ser sal: astrofotosurat bäsleşiginden iň gowy kadrlar

Beýik Britaniýada Grinwiç patyşalyk obserwatoriýasynyň eminleri “Ýylyň astronomiki fotosuratçysy – 2025” (Astronomy Photographer of the Year) bäsleşiginiň ýeňijilerini yglan etdi. Şu ýyl baş baýragy fotosuratçylar Weýtan Lýanyň, Si Ýanyň we Çuhon Ýunyň bilelikdäki işi – “Andromedanyň ýadrosy” aldy...

18.09.2025 14:01
11k+

Elektrik energiýasynyň jan başyna sarp edilişi boýunça ýurtlaryň reýtingi düzüldi

ýurtlaryň ösmegi bilen ilatyň jan başyna elektrik energiýasyny sarp edişi ýokarlanýar, bu görkeziji esasanam, senagat we şäher ýerlerinde artýar. Ember’s Electricity Data Explorer-e esaslanan bu görnüş dünýäniň iň uly ykdysadyýetlerinde energiýa sarp edilişiniň nähili paýlanýandygyny we soňky onýyllykda nähili üýtgändigini görkezýär...