J.D. Power gullugy täze awtoulaglar üçin iň soňky hil bahasyny çykardy. Ol pudak boýunça ortaça görkezijide 100 ulagda 195 meseläniň (PP100) bardygyny tassyklaýar.
Şeýle-de bolsa, köpçülikleýin bazaryň brendleri umumy alaňda ortaça 181 PP100 (pes boldugyça, has gowy) görkeziji bilen gowy çykyş etdi.
Sanawyň başyny degişlilikde 100 ulagda 149 we 160 mesele bilen amerikan markalary bolan Ram we Chevrolet çekýär. Üçünji ýeri Hyundai (162), dördünji orny Kia (163) eýeledi. Lexus sekizinji ýerde (174), Toyota bolsa 17-nji ýerde (192) durýar.
Şol bir wagtyň özünde, Toyota-nyň Takaokadaky zawody (RAV4 we Venza) öndürilen ulaglaryň hili boýunça iň gowusy boldy, bu ýerde öndürilen awtoulaglaryň her 100-sinde 16 mesele hasaba alyndy. Ikinji orunda Lexus LC-ni öndürýän Toyota zawody, üçünji ýerde bolsa Totigidäki Nissan zawody durýar.
Ulaglaryň ortaça hili gowulaşan hem bolsa, öndürijiler täze tehnologiýalar bilen bagly ýüze çykýan kynçylyklary ýeňip geçmeli. Şeýle-de bolsa, ses tanamak we duralga kameralary ýaly, käbir meseleli ýerler, geçen ýyl bilen deňeşdirilende, gowulaşdy diýip, J.D. Power-iň ulaglary synagdan geçirmek boýunça uly direktory Frenk Henli belleýär.
