Ýaponiýanyň Hökümeti ýük daşamak üçin 500 kilometrlik awtomatlaşdyrylan konweýeri gurmagyň meýilnamasyna seredýär. Logistiki ugur ýurduň esasy şäherlerini birleşdirer we her gün millionlarça tonna ýük daşar diýip, New Atlas ýazýar.
“Monster” diýip atlandyrylan mega-taslama Ýaponiýanyň Ýer, infrastruktura, ulag we syýahatçylyk ministrliginiň bilermenler topary tarapyndan işlenip düzülýär.
Hökümet eltip bermek pudagynda işçi güýjüniň ýetmezçiligi bilen baglanyşykly ýakynlaşýan logistika çökgünligini şeýdip çözmek isleýär. Awtomatlaşdyrylan ugurlaryň täze ulgamy Tokiony, Osakany we beýleki şäherleri birleşdirer we takmynan, 25 000 ýük awtoulagynyň ornuny tutar. Şeýle hem taslama ýollardan on müňlerçe ýük awtoulagyny aýyrmak bilen, parnik gazlarynyň zyňyndylaryny azaldar.
Şeýle-de bolsa, awtomatlaşdyrylan logistika ugrunyň infrastrukturasyny gurmagyň bahasy 23 milliard dollar töweregi bolar, bu bolsa häzirki wagtda jedel döredýär. Taslamanyň durmuşa geçirilip başlanjak senesi çen bilen 2034-nji ýyl diýip bellendi.
