Saud Arabystanynyň milli nebit kompaniýasy Saudi Aramco Aziýadaky müşderiler üçin nebitiň awgust aýyndaky bahasyny arzanlatdy. Aziýaly alyjylar üçin Arab Light nebitiniň bahasy barreline 0,6 dollar arzanlady diýip, TASS habar berýär.
Bloomberg-iň maglumatlaryna görä, treýderler Aziýa üçin saud nebitiniň bahasynyň barreline 0,9 dollar arzanlamagyna garaşypdylar. Muňa garamazdan, baha Oman/Dubai sebit bençmarklaryndan 1,8 dollar ýokary boldy.
Bahalaryň arzanlamagy OPEK+ ýurtlarynyň 2024-nji ýylyň oktýabr aýyndan nebitiň gazylyp alnyşyny tapgyrlaýyn ýagdaýda bölekleýin dikeltmek karary bilen baglanyşyklydyr. Bu çözgüt islegiň gowşak ösüşi babatynda alada döretdi we Brent söwda belgili nebitiň bahasynyň fewral aýyndan bäri iň pes baha düşmegine getirdi.
Saud Arabystany OPEK+ ýurtlarynyň bazardaky ýagdaýlara seretmegi dowam etdirjekdiklerini we önümçiligi ýokarlandyrmakdan ýüz öwrüp biljekdiklerini belledi.
