Türkmenistanyň GFR-daky konsuly Bawariýa iş saparyny amala aşyrdy

  • 04.07.2024 15:59
  • 3.4k+

2-3-nji iýulda Türkmenistanyň Germaniýa Federatiw Respublikasyndaky (Maýn boýundaky Frankfurt şäheri) konsuly M.Özbekbaýew Bawariýa iş saparynyň çäklerinde Mýunhen şäherinde Bawariýanyň Ýewropa we halkara işler boýunça Döwlet ministri Erik Baýsswenger bilen duşuşdy.

Duşuşugyň barşynda türkmen-german hyzmatdaşlygynyň köp sanly meseleleri ara alnyp maslahatlaşyldy, iri germen işewür düzümleri bilen ýola goýlan netijeli gatnaşyklar nygtaldy. Şu nukdaýnazardan, taraplar sebitara gatnaşyklaryny ösdürmegiň möhümdigini bellediler, Türkmenistan bilen Bawariýa ýeriniň arasyndaky dürli ugurlardaky hyzmatdaşlygyň geljegini ara alyp maslahatlaşdylar. Şeýle hem bilelikdäki söwda-ykdysady çäreleri guramak barada pikir alşyldy.

Mundan başga-da, iş saparynyň dowamynda konsul Mýunheniň we Ýokarky Bawariýanyň Söwda-senagat edarasynyň Dolandyryş geňeşiniň agzasy, halkara gatnaşyklar bölüminiň başlygy Kristof Angerbauer bilen duşuşdy.
Gepleşikleriň dowamynda Türkmenistanyň we Bawariýanyň işewür düzümleriniň wekilleriniň arasynda göni aragatnaşyklary ýola goýmagyň maksadalaýykdygy beýan edildi. Şeýle-de bilelikdäki işewürlik forumyny guramak we Mýunhen şäherinde Türkmenistanyň giň mümkinçiliklerini beýan edýän çäräni geçirmek bilen bagly meselelere garaldy diýip, “Türkmenistan: Altyn asyr” neşiri habar berýär.


şu gün 14:55
2.3k+

Aşgabatda Galkynyş köçesinde ulaglaryň hereketi awgustyň ahyryna çenli bölekleýin çäklendiriler

2025-nji ýylyň 6-njy awgustyndan awgust aýynyň ahyryna çenli Aşgabat şäheriniň Galkynyş köçesiniň Nurmuhammet Andalyp bilen Alty Garlyýew köçeleriniň aralygynda ulag hereketi çäklendiriler. Bu barada Aşgabat şäher häkimligi habar berdi...

şu gün 14:45
2.2k+

Aşgabatda Bitarap Türkmenistan şaýolunyň bir bölegi 18-nji sentýabra çenli ýapylar

2025-nji ýylyň 6-njy awgustyndan 18-nji sentýabryna çenli Aşgabat şäherinde Bitarap Türkmenistan şaýolunyň Atamyrat Nyýazow we Arçabil şaýollarynyň arasynda ýerleşýän böleginde ulaglaryň hereketi bölekleýin çäklendiriler...

şu gün 14:28
1.6k+

Türkmenistanyň daşary işler ministriniň orunbasary Migrasiýa boýunça halkara guramasynyň wekiliýeti bilen duşuşdy

5-nji awgustda Türkmenistanyň daşary işler ministriniň orunbasary Ahmet Gurbanow Ýewropa we Merkezi Aziýa boýunça sebitleýin direktory Artur Erkeniň ýolbaşçylygyndaky Migrasiýa boýunça halkara guramasynyň (IOM) wekiliýet bilen duşuşdy...

şu gün 14:24
511

Türkmenistan we TÜRKSOÝ netijeli hyzmatdaşlygy giňeltmäge özara gyzyklanmany tassykladylar

5-nji awgustda Türkmenistanyň daşary işler ministriniň orunbasary Ahmet Gurbanow Türki medeniýetiň halkara guramasynyň (TÜRKSOÝ) Baş sekretary Sultan Raýew bilen duşuşdy. Duşuşygyň dowamynda taraplar Türkmenistanyň we TÜRKSOÝ-nyň arasyndaky hyzmatdaşlygy mundan beýläk hem giňeltmek bilen bagly meseleler boýunça pikir alyşdylar...