Saud Arabystany Şarkiýa we Rub-el-Hali sebitlerinde täze nebit we gaz ýataklarynyň tapylandygyny mälim etdi. Bu barada ýurduň energetika ministri Abdul-Aziz ben Salman habar berdi diýip, SPA habarlar agentligi belleýär.
Milli nebit kompaniýasy Saudi Aramco Şarkiýa sebitinde iki sany adaty däl nebit ýatagyny we Rub-el-Hali sebitinde iki sany tebigy gaz ýatagyny tapdy.
Bu açyş Saud Arabystanynyň dünýäde iň uly nebit eksportçysy hökmünde ornuny berkidip biler. Häzir ýurtda nebitiň gündelik gazylyp alnyşy, takmynan, 10 mln barrele, eksport bolsa günde, takmynan, 7 mln barrele barabar.
