Awtoulag öndürijileriniň aglabasynyň awtomatiki transmissiýa bil baglaýan dünýäsinde mehaniki geçirişli ulaglara "wepaly" bolup galýanlar hem bar. HotCars portaly, hut şolar ýaly sürüjiler üçin bahasy 20 000 dollardan geçmeýän, mehaniki geçirişli iň ýyndam 10 sport awtoulagynyň sanawyny düzdi diýip, “Awtonowosti dnýa” habar berýär.
Sanawyň öňüni 2008-nji ýylyň BMW M5-i çekýär. Kapotynyň aşagynda 5,0 litrlik V10 bolan bu “läheň” 4,5 sekuntda “ýüze” çykýar we onuň iň ýokary tizligi bolsa sagatda 330 km. "Ikinji el" bazarynda onuň ortaça bahasy 14 655 dollar durýar.
Ikinji ýerde 2009-njy ýylda öndürilen Cadillac CTS-V durýar. Bu “amerikaly” ulagyň kapotynyň aşagyndaky 6,2 litrlik V8 hereketlendiriji ulagyň sagatda 0-97 km tizlige 3,9 sekuntda çykmagyny üpjün edýär we iň ýokary tizligi - sagatda 307 km . Ulanylan awtoulaglaryň bazaryndaky bahasy 18 570 dollar.
Ilkinji üçlügi 2013-nji ýylda öndürilen Chevrolet Camaro SS Convertible soňlaýar. 6,2 litrlik V8 oňa sagatda 0-97 km / sag tizlige 4,3 sekuntda çykmaga mümkinçilik berýär we aňrybaş tizligi - sagatda 296 km. Bahasy – 15 245 dollar.
Bahasy 20 000 dollardan aşakda bolan mehaniki geçirişli, iň ýyndam awtoulaglaryň 10-lugy:
- BMW M5 2008;
- Kadilak CTS-V 2009;
- Chevrolet Camaro SS Convertible 2013;
- Chevrolet Camaro SS 2013;
- Dodge Challenger SRT8 2014;
- BMW 135is 2013;
- Audi S5 2012;
- Audi S4 2011;
- Chevrolet Corvette C5 2004;
- Nissan 370Z 2012.
