UFC-niň ýeňil agramda öňki çempiony Habib Nurmagomedow sagdyn galmagynyň syryny paýlaşdy. Ol sosial ulgamlardaky ýazgysynda her gün 15 000 ädim ýöremäge synanyşýandygyny aýtdy.
Nurmagomedow: “Ýaltanmaň, bedeniňizi sagdyn saklaň. Ýakynda bir günde 15000 ädim ýöredim. Meniň üçin bu kän däl, ýöne umuman alanyňda kada ýerine ýetirildi”- diýip ýazypdyr.
15000 ädimiň Bütindünýä saglygy goraýyş guramasynyň ulular üçin gündelik kada hökmünde bellän işjeňlik çäginden (10000 ädim) ep-esli köpdügini bellemelidiris.
Taryhda MMA-nyň iň güýçli söweşijilerinden biri hasaplanýan Nurmagomedow karýerasyny 2020-nji ýylda ýekeje-de ýeňlişsiz tamamlady. Professional karýerasynda 29 ýeňiş gazandy we olaryň 13-sini UFC-de gazandy.
