“Mersedesiň” britaniýaly sürüjisi Jorj Rassel “Formula-1” klasyndaky awtoýaryşlar boýunça dünýä çempionatynyň nobatdaky tapgyry bolan Awstriýanyň Gran-prisinde ýeňiji boldy.
Ikinji bolup pellehana awstraliýaly Oskar Piastri (“Maklaren”) geldi, liderleriň üçlügini ispaniýaly Karlos Saýns (“Ferrari”) jemledi.
Pellehana birnäçe aýlaw galanda ýaryşyň öňdebaryjysy niderlandly Maks Werstappen (“Red Bull”) britaniýaly Lando Norris (“Maklaren”) bilen çaknyşdy, netijede diňe bäşinji orny eýeledi. Norris ýaryşy dowam etdirip bilmedi.
Britaniýaly Lýuis Hemilton (“Mersedes”) pellehana çyzygyndan dördünji bolup geçdi.
Werstappen çempionatyň şahsy sanawynda 11 tapgyrdan soň 237 utuk bilen öňdeligi dowam edýär. Ikinji orny Norris (156), üçünji orny Şarl Lekler (“Ferrari”, 150) eýeleýär.
