Amazon OpenAI-den ChatGPT-niň we Google-dan Bard-yň bäsdeşi bolup biljek Metis kod atly täze çat-botuny işe girizmäge taýýarlanýar. Bu barada içerki resminama we taslama bilen tanyş çeşmelere salgylanyp, Business Insider habar berýär.
Metis täze Olympus emeli aň modeline esaslanar, ol Amazon-yň öňki Titan modelinden has kuwwatlydyr.
Metis-iň esasy aýratynlyklarynyň biri giňişleýin gözlegli generasiýanyň (RAG) ulanylmagydyr. RAG ulgama maglumatlary API ýaly abraýly çeşmelerden almaga mümkinçilik berýär, netijede has takyk we aktual jogaplar alynýar.
Metis-iň üstünde işleýän topara Amazon-yň baş müdiri Endi Ýassi we baş ylmy işgär Rohit Prasad ýolbaşçylyk edýär. Topara Alexa-dan hem emeli aň boýunça hünärmenler girýär, olaryň tejribesi geljekki ses kömekçisi Remarkable Alexa-ny döretmek üçin ulanylyp bilner.
Metis-iň 2024-nji ýylyň sentýabr aýynda çykmagyna garaşylýar.
Belläp geçsek, çeşmeleriň birnäçesi geljekki çat-botuň bäsdeşlige ukyplylygyna şübhelenýärler, sebäbi ChatGPT 2022-nji ýylyň ahyrynda, Bard 2023-nji ýylyň mart aýynda işe girizildi we şondan bäri has kämilleşdirildi.
