Halkara Futbol federasiýasy (FIFA) Rocket League boýunça ilkinji dünýä çempionatynyň geçiriljekdigini yglan etdi. Ýaryş FIFAe World Cup adyny aldy.
Adaty kiberfutbolyň deregine, 2024-nji ýylyň FIFAe World Cup ýaryşy Rocket League düzgüni boýunça geçiriler. Bu oýunda gatnaşyjylar topary garşydaşyň derwezesine girizmek üçin raketa hereketlendirijili ýaryş awtomobillerini dolandyrýarlar.
Çempionata 16 milli topar gatnaşar. Gatnaşyjy ýurtlar her ýurtda Rocket League oýunçylarynyň sanyna, şeýle-de kibertürgenleriň professional sahnadaky netijelerine görä kesgitlener. FIFA-nyň agzalary öz toparlaryna iň gowy oýunçylary saýlamak üçin saýlama ýaryşlaryny geçirip bilerler.
2024-nji ýylyň FIFAe World Cup ýaryşynyň geçiriljek ýeri, baýrak gaznasy we beýleki jikme-jiklikler gijräk yglan ediler.
