27-nji iýunda Ýere 2011 UL21 asteroidi ýakynlaşar. Onuň diametri 2,3 kilometre ýetip, ol soňky 125 ýylyň içinde planetamyzyň golaýyndan geçen iň uly obýektleriň biri bolar diýip, Ýewropa kosmos gullugynyň (ESA) maglumatlaryna salgylanýan TASS habar berýär.
Asteroid planetamyza howp salmaýar, sebäbi ol Aýa çenli aralyk bilen deňeşdirilende, 17 esse daşlykdan uçup geçer.
2011 UL21-iň Ýeriň töwereginde ýerleşýän beýleki mälim bolan asteroidleriň 99% -inden uludygyny bellemelidiris.
Gabarasynyň örän uludygyna garamazdan, 2011 UL21 asteroidi ýakynda - 2011-nji ýylda tapyldy.
ESA hünärmenleri Ýeriň howpsuzlygyny üpjün etmek üçin şeýle kosmos obýektlerini yzarlamagyň möhümdigini nygtaýarlar.
