2023-nji ýylda Tesla Model Y elektrik awtoulagy köpden bäri öňdebaryjy orny eýeläp gelýän Toyota RAV4-dan we Corolla-dan öňe geçip, dünýäde iň köp satylýan awtoulag boldy.
JATO Dynamics seljeriji kompaniýanyň maglumatlaryna görä, dünýä boýunça Model Y-yň 1,22 million sanysy satylyp, 2022-nji ýyldakydan 64 göterim köpdür. Bu islendik model üçin rekord görkeziji boldy.
Model Y-nyň üstünligi elektrik ulaglarynyň meşhurlygynyň artmagy, krossoweriň özüne çekiji dizaýny we güýçli öndürijiligi ýaly, birnäçe faktorlar bilen şertlendirilýär.
Model Y-yň ösüp barýan bazarlaryň aglabasynda hödürlenmänligi sebäpli sarp edijileriň köpüsi üçin elýeterli bolman galýandygyny bellemelidiris.
“Tesla - ösen dünýä üçin döredilen brend. Kompaniýa häzirki wagtda bu bazarlara tarap ugur alyp bilmeýän hem bolsa, geljekde goşmaça ösüş çeşmesi hökmünde onuň ösüp barýan bazarlary öwrenmek mümkinçiligi bar "- diýip, JATO Dynamics-de mälim etdiler.
Geçen ýyl RAV4-iň satuwy 5% artyp, ulagyň 1,07 milliony satyldy. Ykjam Corolla sedany bolsa 803 000 birlik (-19%) bilen dördünji orna düşdi. Bu modeliň satuwynyň peselmegini ýaşynyň uludygy - awtoulag ilkinji gezek 2018-nji ýylyň mart aýynda çykdy - şeýle hem Corolla Cross-yň peýda bolmagy bilen düşündirip bolar.
Üçünji orny satuwy 18% ýokarlanan Honda CR-V eýeledi.
Dünýäde iň köp satylýan 10 awtoulaglaryň sanawy:
- Tesla Model Y (1 223 million birlik, + 64%)
- Toyota RAV4 (1 075 million birlik, + 5%)
- Honda CR-V (846 000 birlik, + 18%)
- Toyota Corolla (803 000 birlik, -19%)
- Toyota Corolla Cross (715 000 birlik, + 35%)
- Toyota Camry (650 000 birlik, -2%)
- Ford F-150 (623 000 birlik, + 18%)
- Toyota Hilux (605 000 birlik, -4%)
- Nissan Sentra (534 000 birlik, -1%)
- Tesla Model 3 (508 000 birlik, + 5%)
