Hytaýyň Çendu şäherindäki FAW Toyota zawodynda täzelenen Toyota Avalon sedanynyň tapgyrlaýyn önümçiligi başlandy. 5 metrlik awtoulag daşky görnüşi boýunça üýtgemedi diýen ýaly, ýöne üpjünçilik kämilleşdirildi, ol täze Toyota Camry-nyň (dokuzynjy nesil) hereketlendirijisini aldy.
Täzelenen Avalon-yň salonynda SoC Qualcomm Snapdragon 8155 prosessorynda gurnalan we 12 dýuým ekran bilen enjamlaşdyrylan täze mediasistema bolar. Şeýle-de, bezeg materiallary has gowulaşdyrylar we täze rul peýda bolar.
Üç hereketlendiriji hödürlener: kuwwaty 152 at güýji bolan 2,0 litr gowrümli adaty benzin hereketlendirijisi, 2,0 litrlik hereketlendirijiniň esasynda gibrid (173 at güýji) we 2,5 litr göwrümli hereketlendirijiniň esasynda gibrid (230 at güýji). Sedanyň göwrümi 4990 x 1850 x 1450 mm, teker bazasy – 2870 mm.
Täzelenen Avalon-yň doly derejeli premýerasy iýul aýynda bolar, bahalar hem şonda yglan ediler.
