Taryhda ilkinji gezek Olimpiýa alawy Ýewropa Geňeşine baryp görer. 26-njy iýunda Olimpiada – 2024-üň fakeli guramanyň Strasburgdaky binasyna eltiler diýip, Kazinform habar berýär.
Dabara Ýewropa Geňeşiniň 46 agza döwletiniň wekilleriniň gatnaşmagynda geçiriljek Parlament assambleýasynyň umumy mejlisi wagtynda bolar.
Fakel göterijiler Assambleýanyň Mejlisler zalyndan geçerler, olary Parlament assambleýasynyň prezidenti Teodoros Rusopulos garşy alar.
Wakanyň çäklerinde 24-nji iýundan sentýabr aýynyň başyna çenli “Agora” binasynyň öňünde Ýewropa Geňeşiniň Ýewropa sport hartiýasyna bagyşlanan sergi geçiriler.
Ýewropa Geňeşi Ýewropa yklymynyň iň abraýly we wekilçilikli halkara hökümetara guramalarynyň biridir. 50 ýyldan gowrak wagt bäri gurama sportda adalatly oýun we hormat ugrunda çykyş edip, ony sagdyn, etika laýyk we hemmeler üçin elýeterli etmäge çalyşýar.
