Niderlandlaryň premýer-ministri Mark Rýutte NATO-nyň indiki Baş sekretary bolar. Bileleşigiň 32 ýurdunyň ählisi onuň dalaşgärligini goldady diýip, Politico salgylanyp, Meduza habar berýär.
Rýutteniň ýeke-täk garşydaşy bolan Rumyniýanyň Prezidenti Klaus Ýohannis penşenbe güni, 20-nji iýunda öz dalaşgärligini yzyna gaýtardy.
Demirgazyk Atlantik bileleşiginiň ýolbaşçysy wezipesinde Rýutte 1-nji oktýabrda wezipeden gitjek Ýens Stoltenbergiň ornuny eýelär. Täze bellenmäniň iýul aýynda Waşingtonda geçiriljek NATO sammitinde resmi taýdan tassyklanmagyna garaşylýar.
57 ýaşly Mark Rýutte 2010-njy ýylyň 14-nji oktýabryndan bäri Niderlandlaryň premýer-ministridir, ol Erkinlik we demokratiýa üçin sagçy liberal halk partiýasynyň lideri bolupdy (2006 – 2023).
