Niderlandlaryň öňki-premýer ministri Mark Rýutte NATO-nyň 14-nji Baş sekretary bolup, bu wezipäni rekord 10 ýyl eýelän norwegiýaly Ýens Stoltenbergiň ornuny çalyşdy. Ygtyýary geçirmek dabarasy NATO-nyň ştab-kwartirasynda Demirgazyk Atlantik geňeşiniň ilçi derejesindäki ýörite mejlisinde boldy diýip, TASS habar berýär.
Wezipeden gidýän Stoltenberg Rýuttä stola kakyp, mejlisleriň başlanýandygyny we tamamlanýandygyny yglan etmek üçin, 1963-nji ýylda Islandiýa tarapyndan NATO-nyň ştab-kwartirasyna sowgat edilen haşamlanan agaç çekiji berdi. Rýutte bu çekiji 10 minutdan soň ulanyp, Bileleşigiň geňeşiniň dabaraly mejlisini ýapdy.
Ýewrokomissiýanyň başlygy Ursula fon der Lýaýen, Ýewropa geňeşiniň wezipeden gidýän ýolbaşçysy Şarl Mişel we Ýewroparlamentiň başlygy Roberta Metsola eýýäm X (öň, Twitter) sosial ulgamynda täze Baş sekretara gutlaglaryny ýetirdiler.
