Geçen ýyl Niderlandlar, Kolumbiýa we Ekwador dünýäde iň köp gül eksport eden ýurtlar boldular, olaryň bütin dünýäde ýerlän harytlarynyň umumy bahasy 6,6 milliard dollar boldy.
Geçen ýyl gül söwdasynda iň esasy lider Niderlandlar boldy, ol umumy mukdary 552 müň tonna bolan 4,6 milliard dollarlyk gül satdy. Dünýäniň ilkinji «gülçi» üçlügine 1,1 milliard dollarlyk 143 müň tonna gül eksport eden Kolumbiýa we 987 million dollarlyk 181 müň tonna gül eksport eden Ekwador girýär.
Şeýle hem gül eksport edýän ilkinji bäşligiň arasynda Keniýa – 387 million dollar (64 müň tonna) we Nigeriýa – 157 million dollar (97 müň tonna) bar. Gül çemenleriniň eksporty boýunça ilkinji onluga 2023-nji ýylda 126 million dollarlyk (16 müň tonna) gül satan Italiýa, şeýle hem Hytaý – 110 million dollar (34 müň tonna), Kanada – 109 million dollar (34 müň tonna), Malaýziýa – 76 million dollar (23 müň tonna) we Günorta Afrika Respublikasy – 61 million dollar (8 müň tonna) girýär.
Beýleki ýurtlaryň arasynda geçen ýyl Estoniýada gül eksporty iň güýçli depginde – ýylda 86 esse ösdi we 105 müň dollara ýetdi. Namibiýada 85 esse ösüş gazandy we girdejisini 16 müň dollara çenli ýetirdi, Tunisde ösüş – 35 esse we 153 müň dollara çenli ýetdi.
