Hytaýda ilkinji Xiaomi krossoweri göründi. Bu kompaniýanyň SU7 sedanyndan soň ikinji awtomobilidir.
Awtomobil häzirlikçe MX11 kod ady bilen işläp taýýarlama tapgyryndadyr, onuň önümçilik wersiýasynyň ady heniz belli däl.
Xiaomi krossoweri doly kamuflýaž bilen örtülen bolsa-da, onuň profili Ferrari Purosangue-ni ýada salýar diýip, IXBT belleýär. Hytaýly ulanyjylar iki awtomobiliň dizaýnynda meňzeşlikleri tapýarlar. MX11-iň öňdäki aýnasynda Xiaomi SU7-de oturdylan lidara meňzeş lidar bar.
Xiaomi krossoweriniň tehniki taraplary barada heniz maglumat ýok. Ýöne täze awtomobiliň gibrid bolup biljekdigi barada gürrüňler bar. Kompaniýa gibrid görnüşli güýç gurluşlaryny işläp taýýarlamaga ýöriteleşen inženerleri işjeň ýagdaýda gözleýär.
Xiaomi krossoweriniň 2025-nji ýylda bazara çykmagyna garaşylýar.
