Hytaýda täze Toyota Camry 4,5 müň dollar arzanladyş bilen satylýar. Ýurtda şeýle arzanladyş ýerli bazarda modele bolan islegiň ep-esli pese gaçmagy bilen baglanyşyklydyr diýip, IXBT ýazýar.
2024-nji ýylyň maý aýyndaky maglumatlara görä, dokuzynjy nesil modelinden 8681 nusga satyldy, bu bolsa 2023-nji ýylyň maý aýy bilen deňeşdirilende 56% azdyr. Şol wagt Camry-nyň satuwy tas 20 müň birlige ýetipdi.
Deňeşdirmek üçin, Xiaomi maý aýynda 8646 sany SU7 elektrik sedanyny satdy, ýöne kompaniýa önümçiligini indi artdyryp başlady, Toyota bolsa Camry-ny has köp mukdarda öndürip bilýär.
Umuman, Hytaýda Toyota Camry-nyň satuwy oňyn däl dinamikany görkezýär. 2023-nji ýylyň dekabr aýynda, takmynan, 24 müň sedan satyldy, 2024-nji ýylyň fewral aýynda bolsa satuw 6 müň awtomobile çenli peseldi, bu bolsa tas 4 esse azdyr.
Hytaýda Camry modeline bolan islegiň pese gaçmagy elýeterli elektromobilleriň meşhurlygynyň artmagy, şeýle-de biznes-sedan segmentinde bäsdeşligiň güýçlenmegi bilen baglanyşykly bolup biler.
