Alymlar 300 000 ýyl ozal ýaşap geçen iň gadymy adamyň keşbini täzeden dikeltdiler. 2017-nji ýylda Marokkodan tapylan kelleçanagyň kömegi bilen onuň ýüzüni täzeden dikeltmek mümkin boldy diýip, The Guardian habar berýär.
Germaniýanyň Maks Plank jemgyýetiniň barlagçylary we braziliýaly tanymal hünärmen Sisero Morais kelleçanagy sanly skanerden geçirip, hakyky keşbini döretmek üçin oňa ýumşak dokumalaryň we deriniň gatlaklaryny goýdular.
Alymlaryň sözlerine görä, modelde şekillendirilen adam “güýçli we parahat”.
2017-nji ýylda Jebel-Irhud arheologiki ýadygärlikler meýdançasynda bu kelläniň tapylmagy haýran galdyryjy waka boldy, sebäbi bu Homo sapiens-iň gelip çykyşy baradaky bar bolan nazaryýete ters gelýärdi. Ondan öň biziň görnüşimiziň iň gadymy daşa öwrülen galyndylary Efiopiýada tapylanlar hasaplanýardy - olaryň ýaşy takmynan 195 müň ýyldy. Marokkodan tapylan galyndylaryň ýaşy Homo sapiens-iň 100 000 ýyl öň peýda bolandygyny we olaryň Afrikadan has ir göçüp başlandyklaryny görkezýär.
Rekonstruksiýanyň öňdebaryjy usullaryna garamazdan, çanaklyk süňkleriniň ýoklugy we DNK-nyň zaýalanandygy sebäpli adamyň jynsyny kesgitlemek mümkin bolmady.
