Ýaponiýaly “iň bagtly adam”: Ol 63 ýaprakly şabdar ösdürip, Ginnesiň rekordlar kitabyna girdi

  • 22.06.2024 16:39
  • 11k+

Käbir adamlar dört-bäş ýaprakly şabdaryň (Trifólium) ony tapan adama şowlulyk getirýändigine ynanýarlar. Eger bu şeýle bolsa, onda 63 ýaprakly şabdar ony ösdürip ýetişdiren ýaponiýalyny dünýäde “iň bagtly adama öwürýär”.

45 ýaşly Ýosiharu Watanabe öz melleginde 63 ýaprakly şabdar ösdürip ýetişdirip, Ginnesiň rekordlar kitabyna girdi. Bu barada UPI neşiri ýazýar.
Ol şabdary 2012-nji ýylda ösdürip başlady. Bagban bu işe ösümlikdäki ýapraklaryň sany boýunça dünýä rekordyny täzelemek maksady bilen başlandygyny aýdýar. 12 ýyldan soň bu oňa başartdy.
Watanabe şabdaryň täze ýapraklarynyň peýda bolmagy üçin, onuň açyk howada tebigy ýol bilen tozanlanyşyny elde tozanlandyryş bilen utgaşdyrandygyny belleýär. Onuň usullary hemişe täsirli däldi, ýöne ahyrynda gerekli netijäni berdi.

“Adamlar dört ýaprakly şabdaryň şowlulyk getirýändigini aýdýarlar, şonuň üçin bu 63 ýaprakly şabdar adamlara geň galma we şatlyk duýgusyny getirse, gowy bolardy” – diýip, Ýosiharu belledi.

Şabdaryň ýapraklarynyň sany boýunça mundan öňki rekord 2009-njy ýylda başga bir ýaponiýaly, Hanamaki şäherinden Sigeo Obara tarapyndan goýuldy. Ol 56 ýaprakly şabdar ösdürip ýetişdirdi.


22.10.2025 14:14
5k+

CR450 dünýäde iň tiz elektrik otly boldy, ol sagatda 453 km tizlige ýetdi

Hytaýda geçen ýyl hödürlenen dünýäde iň tiz CR450 elektrik otlusy synaglaryň dowamynda ýeke otly üçin täze tizlik rekordyny goýdy. Ol sagatda 453 km ýetdi diýip, MyDrivers portaly ýazýar. Tehniki talaplara doly laýyk gelmek üçin, otly ýolagçy gatnadyp başlamazdan ozal synag režiminde 600 000 km geçmeli...

17.10.2025 11:50
3.8k+

Teýlor Swiftiň täze albomy birinji hepdesinde 4 milliondan gowrak nusgada satyldy — bu rekord

Amerikaly aýdymçy Teýlor Swiftiň “Life of a Showgirl” 12-nji studiýa albomy ilkinji gezek çykanyndan soňky ilkinji ýedi günde 4,002 million nusgada satyldy. Billboard we beýleki halkara habar serişdeleriniň maglumatyna görä, bu görkeziji aýdym-saz senagatynda täze rekord boldy...

15.10.2025 14:38
14k+

Beýik Britaniýadan äpet we uzyn gulakly iki eşek Ginnesiň rekordlar kitabyna girdi

Beýik Britaniýadaky Redkliff goraghanasyndan iki eşek Ginnesiň rekordlar kitabyna girdi: biri dünýäde iň beýik eşek, beýlekisi iň uzyn gulakly eşek. Eşekler goraghananyň myhmanlarynyň söýgüsini gazanyp, bileje athanada wagtlaryny rahat geçirmegi halaýarlar...

15.10.2025 11:33
9.6k+

Gazagystanda müň düýeden ybarat kerwen Ginnesiň rekordyny goýdy

Gazagystanyň Almaty welaýatynda dünýä rekordy goýuldy – müň sany bir örküçli düýeden ybarat kerwen dünýäde iň ulusy hökmünde Ginnesiň rekordlar kitabyna resmi taýdan girizildi. Bu barada welaýat häkimliginde habar berildi...