Halkara Futbol federasiýasy (FIFA) milli toparlaryň täzelen reýtingini hödürledi. Ilkinji onlukda iki üýtgeşme bolup geçdi. Braziliýa Angliýadan öňe geçip, dördünji orna çykdy, Italiýa bolsa dokuzynjy orny Horwatiýa berdi.
FIFA-nyň reýtinginiň ilkinji onlugy şeýle görnüşde:
- Argentina
- Fransiýa
- Belgiýa
- (5) Braziliýa
- (4) Angliýa
- Portugaliýa
- Niderlandlar
- Ispaniýa
- (10) Horwatiýa
- (9) Italiýa
Iň uly ösüşi Liberiýanyň futbolçylary görkezdi, olar 37,47 bal gazandylar. Olar on setir ýokary galyp, 142-nji orny eýelediler. Ekwatorial Gwineýa bolsa, tersine, iň köp bal ýitirip, 89-njy orna düşdi (-47,53).
Türkmenistan 7,58 bal ýitirip, reýtingde bir punkt aşak düşdi we 144-nji orny eýeledi. Sanawda Efiopiýa (143) bilen Botswananyň (145) arasynda ýerleşdi.
Ýatlap geçsek, Türkmenistanyň milli ýygyndysy 2026-njy ýylyň dünýä çempionaty üçin saýlama ýaryşyny Gonkongyň topary bilen deňme-deňlikde tamamlady. Mergen Orazowyň topary indiki dünýä çempionatyna saýlanmak mümkinçiligini ýitirdi, ýöne 2027-nji ýylda Saud Arabystanynda geçiriljek Aziýanyň Kubogyna ýollama almak ugrundaky göreşi dowam etdirer.
