Ýewro -2024-de toparlaýyn tapgyryň ikinji oýunlary başlandy.
B toparda Gamburg şäherinde Albaniýa Horwatiýa bilen duşuşdy. Albaniýalylary oýnuň başynda ýene-de çalt gol geçirmegi başardylar. 11-nji minutda Kazim Lýaçi hasaby açdy. Horwatiýalylar diňe 74-nji minutda Andreý Kramariçiň tagallasy bilen hasaby deňläp bildiler. Iki minut soňra bolsa, albaniýalylardan Klaus Gýasulýa topy öz derwezesine gönükdirdi. Emma final jürlewügi çalynmazdan öň (90+5) Gýasulýa garşydaşynyň derwezesine hem topy girizip, hasaby deňlemegi başardy. Ahyrky hasap - 2:2.
Bu topardan Ispaniýa bilen Italiýanyň arasyndaky duşuşyk şu gije 00:00-da (Aşgabat wagty bilen) başlanar.
A toparda Ştutgartda Germaniýa Wengriýadan üstün çykdy. 2:0 tamamlanan duşuşykda gollary Jamal Musiala (22) we Ilkaý Gündogan (67) geçirdi.
Bu topardan beýleki jübüt - Şweýsariýa bilen Şotlandiýa deňme-deň oýnady. Kýolnda geçirilen duşuşyk 1:1 hasap bilen tamamlandy. Oýunda hasaby 13-nji minutda Skott Maktomineý açdy, Şweýsariýadan Jerdan Şakiri 26-njy minutda hasaby deňledi.
Germaniýa 6 utuk bilen A toparyň başyny çekýär we pleý-off tapgyryna çykdy. Şweýsariýa 4 utuk bilen ikinji orunda, Şotlandiýa 1 utuk bilen üçünji orunda ýerleşýär. Wengriýada o utuk bar.
Jemleýji tapgyrda 23-nji iýunda Şweýsariýa Germaniýa bilen, Şotlandiýa bolsa Wengriýa bilen duşuşar.
