NASA 1977-nji ýylda uçuran “Woýajer-1” enjamy bilen aragatnaşygy dikeldip başardy

  • 18.06.2024 13:03
  • 5.1k+
NASA 1977-nji ýylda uçuran “Woýajer-1” enjamy bilen aragatnaşygy dikeldip başardy

Planetalar arasy barlag zondy bolan “Woýajer-1” köp aýlyk bökdençlikden soň ýene Ýere ylmy maglumatlary iberip başlady. NASA iň uzakdaky işjeň barlag zondy bolan apparatyň işleýşini inženerleriň doly dikeldendigini aýtdy.

Bökdençlik 2023-nji ýylyň noýabr aýynda bortdaky maglumatlaryň geçirilişine jogapkär kompýuteriň näsazlygy sebäpli ýüze çykdy. Bu näsazlygy düzetmek üçin NASA-nyň inženerlerine alty aý gerek boldy.
Häzirki wagtda “Woýajer 1”-iň dört sany ylmy guralynyň hemmesi hem kadaly işleýär we ýyldyzlar arasy giňişlik barada maglumat ýygnaýar.
“Woýajer 1” 1977-nji ýylda uçuryldy we ol geliosferadan çykyp, ýyldyzlar arasy giňişlige giren ýeke-täk kosmiki gämidir. Ol Ýerden 24 milliard kilometrden gowrak uzaklykda ýerleşýär we kosmosda gözleg işlerini dowam etdirýär.

Fizikler eliňde ody saklamaga mümkinçilik berýän dury materialy oýlap tapdylar
düýn 13:20
2.7k+

Fizikler eliňde ody saklamaga mümkinçilik berýän dury materialy oýlap tapdylar

Boulderdäki Kolorado uniwersitetiniň fizikleri binalary ýylatmagyň usullaryna düýpli täsir edip biljek MOCHI diýlip atlandyrylýan dury ýylylyk izolýasiýa materialyny döretdiler. Bu özboluşly oýlap tapyş barada Science žurnalynda habar berildi...

SPHEREx teleskoby alty aýyň dowamynda tutuş Älemiň jikme-jik infragyzyl kartasyny döretdi
düýn 13:09
2k+

SPHEREx teleskoby alty aýyň dowamynda tutuş Älemiň jikme-jik infragyzyl kartasyny döretdi

SPHEREx kosmos teleskoby alty aýyň içinde tutuş asman sferasynyň infragyzyl şöhlelerdäki ilkinji doly kartasyny düzmegi tamamlady. Apparat adamyň gözüne görünmeýän 102 dürli spektral diapazonda ýüz millionlarça galaktikany surata aldy...

NASA: Perseverance marsroweri azyndan 2031-nji ýyla çenli missiýasyny dowam etdirmäge taýýar
20.12.2025 19:24
2k+

NASA: Perseverance marsroweri azyndan 2031-nji ýyla çenli missiýasyny dowam etdirmäge taýýar

NASA-nyň Perseverance marsroweri birnäçe tehniki synaglardan üstünlikli geçdi we geljekki ýyllarda Marsda gözleg missiýasyny dowam etdirmäge taýýar. Bu barada Milli aeronawtika we kosmos giňişligini barlamak boýunça müdirlik (NASA) habar berdi...

Thunderbird orbital stansiýasynyň suratlary peýda boldy: ol kosmosda açylýar
20.12.2025 18:38
2.2k+

Thunderbird orbital stansiýasynyň suratlary peýda boldy: ol kosmosda açylýar

Max Space amerikan startapy giňelýän modul tehnologiýasyna esaslanýan Thunderbird täjirçilik orbital stansiýasynyň renderlerini hödürledi. Taslama stansiýanyň bir gezekde Falcon 9 raketasy bilen uçurylmagyny göz öňünde tutýar: ýygnalan görnüşde modul obtekateliň aşagyna ýerleşýär, orbitada bolsa açylyp, ilkibaşdaky möçberinden ep-esli ulalýar...