Bao Szy lakamly pişik haýwanlaryň arasynda skeýtbordda gezmelemegiň tizligi boýunça dünýä rekordyny goýdy, ol 12 sekuntda 10 metr aralygy geçdi. Rekord Bao Szynyň itlere tälim bermek bilen meşgullanýan hojaýyny bilen ýaşaýan ýeri bolan Hytaýda hasaba alyndy diýip, UPI neşiri ýazýar.
Pişigiň hojaýyny ony gemrijilerden dynmaga kömek eder diýen umyt bilen öýüne getirendigini aýtdy. Ýöne tiz wagtdan ol pişigiň skeýtbordda gezmelemek zehininiň bardygyny ýüze çykarýar.
“Men on ýyldan gowrak wagt bäri itlere tälim berýärin we skeýtbordda öz itim bilen güýmenje üçin gezmeläp başladym. Bao Szy hem skeýtborda uly gyzyklanma bildirdi” – diýip, pişigiň hojaýyny belleýär.
Bao Sza skeýtbordda ynamly durmagy öwrenmek üçin bir ýyla golaý wagt gerek boldy. Hojaýyn pişige tälim bermegiň aňsat bolmandygyny, sebäbi pişikleriň öwrenilen hereketleri çalt ýatdan çykarýandyklaryny aýtdy.
“Olar hereketi öwrenip, indiki sekuntda ony ýatdan çykaryp bilýärler” – diýip, pişigiň hojaýyny belledi.
