Türkmenistan ilkinji gezek Fransiýada her ýyl geçirilýän animasion filmleriň Annecy halkara festiwalyna gatnaşýar. 1998-nji ýyldan bäri geçirilýän bu festiwala Türkmenistan Telewideniýe, radiogepleşikler we kinematografiýa baradaky döwlet komitetiniň “Mahabat” müdirliginiň “Ýiten top” we “Meniň oýnum” animasiýalaryny hödürledi.
Bu festiwalda Pixar Animation Studios, DreamWorks Animation, Walt Disney Animation Studio, Illumination Animation Company ýaly dünýä studiýalar gatnaşýar. Festiwalyň dowamynda oňa gatnaşyjylar döredijilikli, dürli animasiýa stilleri we usullary boýunça pikir alyşýarlar.
Şeýle hem bäsleşikler, premýeralar, alnyp barylýan taslamalar, ussatlyk sapaklary, sergi, režissýorlaryň, prodýuserleriň we döredijilik işgärleriniň duşuşyklary ýaly çäreler guralýar.
Bu festiwala kabul edilmegi türkmen animasiýasynyň dünýä standartlaryna laýyk gelýändiginiň subutnamasydyr.
