BMG-niň Bütindünýä Syýahatçylyk Guramasynyň (UN Tourism) hasabatyna görä, Hytaýyň raýatlary 2023-nji ýylda daşary ýurt syýahatlaryna 196,5 milliard dollar sarp edip, ABŞ-dan (150 milliard dollar) geçdi diýip, Interfax habar berýär.
Şeýle hem ilkinji bäşlige Germaniýa (112 milliard dollar), Beýik Britaniýa (110 milliard dollar) we Fransiýa (49 milliard dollar) girdi.
Şeýle hem ilkinji onluga Kanadanyň, Italiýanyň, Hindistanyň, Russiýanyň we Günorta Koreýanyň ilaty girdi.
2023-nji ýylda Fransiýa dünýäniň 100 million jahankeşdesini kabul edip, dünýäde iň köp syýahat edilen ýurt boldy. Ispaniýa 85 million syýahatçyny kabul edip ikinji, ABŞ 66 million syýahatçysy bilen üçünji ýeri eýeledi. Ondan soň Italiýa (57 million) we Türkiye (55 million) gelýär.
UN Tourism-iň maglumatlaryna görä, ýurtlar 2023-nji ýylda halkara syýahatçylygyndan 1,5 trillion dollar gazandy, bu pandemiýadan öňki, 2019-njy ýyldaky görkezijä gabat gelýär diýen ýaly.
ABŞ syýahatçylykdan 176 milliard dollar, Ispaniýa - 92 milliard, Beýik Britaniýa - 74 milliard, Fransiýa - 69 milliard, Italiýa - 56 milliard dollar aldy.
