Gurban Berdiýew "Turan" (Towuz şäheri) azerbaýjan klubunyň baş tälimçisi bolar. Bu barada klubuň wise-prezidenti Ali Balakişiýew aýtdy diýip, Ria NOWOSTI habar berýär.
«Gurban Berdiýew "Turanyň" baş tälimçisi bolar. 18-nji iýunda ol Baku geler we şertnama baglanyşar" - diýip, Balakişiýew aýtdy.
Belläp geçsek, Berdiýewiň soňky iş ýeri "Dinamo" (Mahaçkala) rus klubudy. 71 ýaşly türkmen hünärmeni dagystanly kluba geçen ýyldan başlap, şu ýylyň fewralyna çenli tälim berdi. Soňra klubuň Prezidentiniň geňeşçisi boldy. Şu ýyl "Dinamo" ilkinji gezek Russiýanyň Premýer-ligasynda çykyş etmäge hukuk gazandy.
«Turan» Azerbaýjanyň geçen çempionatynyň jemleri boýunça on toparyň içinde altynjy orny eýeledi. Klub 1992-nji ýylda esaslandyrylyp, iki ýyl soň - 1994-nji ýylda Premýer-ligada ýeňiş gazandy we Ýewropa kuboklarynda Azerbaýjanyň ilkinji wekili boldy.
