Ferrari, kanunçylyk rugsat berýärkä, kuwwatly V12 hereketlendirijilerini öndürmegi dowam etdirjekdigini tassyklady. Turbo görnüşli V8 has täsirli bolup çyksa-da, Ferrari V12-ni mümkin boldugyça uzak saklamagy öz borjy hasaplaýar diýip, Motor1 ýazýar.
“Tä kanun gadagan edýänçä, gysylan howaly V12 hereketlendirijilerini öndürmegi dowam etdireris. Kanun geljekde ekologiýa taýdan has amatly, belki-de täze benzinli, mümkinçilikleri görkezmegi dowam etdirer diýip umyt edýäris "-diýip, Ferrari-niň marketing boýunça direktory Emanuele Karando mälim etdi.
12Cilindri Coupe-da we Spider-de oturdylýan täze 6,5 litrlik V12 hereketlendirijisi minutda 9500 aýlaw edýär, ýöne tehniki taýdan 10 000 aýlawa ýetmäge ukyply. Şeýle-de bolsa, Ferrari kuwwaty optimizirlemek we “hemişelik tizlenme duýgusyny” saklamak üçin aýlawlary çäklendirmegi makul tapdy.
Kompaniýa, ilkinji nobatda, inženerçilik-maslahat beriş kompaniýasydygyny we onuň üçin ileri tutulýan ugruň rekord dolanyşygy gazanmak däl-de, öndürijilikdigini aýtdy. Şu nukdaýnazardan seredeniňde, Ferrari beýleki Gordon Murray Automotive T.50 (minutda 12 100 aýlaw), Aston Martin Valkyrie (minutda 11 100 aýlaw) we Ariel Atom V8 (minutda 10,600 aýlaw) ýaly awtoulaglardan pesdir.
Mundan ozal Ferrari-niň baş dizaýneri Flawio Mansoni öndürijilik nukdaýnazaryndan turbo görnüşli V8-iň V12-den gowudygyny boýun aldy we on iki silindrli enjamyň iň täsirli hereketlendiriji däldigini aýtdy. Şeýle-de bolsa, kompaniýa mümkin boldugyça uzak saklamak üçin, “bu hereketlendiriji ugrunda göreşmeli” bolýar.
