2023-nji ýylyň tomsunda Tailandyň hökümeti daşary ýurtly syýahatçylardan 300 bat möçberinde (takmynan 8 dollar) ýygym almagy girizmegi tassyklapdy. Bir ýyldan soň ýurduň premýer-ministri Sretta Tawisin öňki administrasiýa tarapyndan teklip edilen bu pikirden el çekilýändigini mälim etdi diýip, The Nation ýazýar.
Premýer-ministriň sözlerine görä, şeýle töleg gysga wagtlyk girdeji getirip biler, ýöne uzak geljekde, goşmaça çykdajy etmezden, has köp syýahatçy çekmek peýdaly bolar.
Tawisiniň pikirine görä, jahankeşdeleriň akymynyň köpelmegi söwda, güýmenje we beýleki hyzmatlara çykdajylaryň artmagyna getirer, bu bolsa ykdysadyýeti höweslendirer we hökümete, tölegiň özüne garanda, has köp girdeji getirer.
Öň girizilen ýygymlar betbagtçylyklardan ejir çeken syýahatçylary goldamakda we syýahatçylyk ugurlaryny ösdürmekde ulanylmaga meýilleşdirilipdi.
