Rimde geçirilen Ýewropa çempionatynda çykyş eden ispaniýaly türgen Laura Garsiýa-Karo 20 km aralyga pyýada ýöreýiş ýaryşynda dördünji orny eýeläp, wagtyndan öň ýeňşi bellemegi sebäpli medalsyz galdy. Bu barada CNN habar berýär.
Garsiýa-Karo ýaryşyň soňky metrlerinde üçünji ýerde barýardy, şonda ol ýeňiş gazanjakdygyna gözi ýetip, boýnuna Ispaniýanyň baýdagyny daňyp, ellerini howa galdyrmaga taýýarlandy. Ýöne ukrainaly türgen Lýudmila Olýanowskaýa finiş çyzygyna birnäçe metr galanda ondan öňe geçip, bürünç medaly eýeledi.
“Diýseň gynandym. Ýaryşyň [20 km aralyga] birinji ýarymynda men ýadadym, ýöne özümi ele aldym we soňky 10 metrde üstünlik gazandym diýip pikir etdim, ýöne bolmady. Indi [bolup geçen zatlara] akyl ýetirip, ýüregimdäki gussany aýyrmaly” – diýip, Garsiýa-Karo aýtdy.
Altyn medala italiýaly Antonella Palmizano mynasyp boldy, ol 1 sagat 28,08 minut netijäni görkezdi. Ikinji orny ýene bir italiýaly türgen Walentina Trapletti eýeledi (1:28.37).
