Universal kompaniýasy 1999-njy ýyldaky asyl filmiň ýyldyzlary Brendan Freýzer we Reýçel Waýsiň gaýtadan oýnajak “Mumiýa” filminiň dowamynyň üstünde işleýär. Bu barada Golliwudyň insaýderi Denial Rihtman habar berdi.
Sýužetiň jikme-jiklikleri we Freýzer bilen Waýs-dan başga aktýorlar entek aýan edilmedi.
Stiwen Sommersiň režissýorlyk eden asyl filmi, 1932-nji ýylda döredilen klassikanyň remeýki boldy we dürli teswirlere garamazdan dünýäde 416 million dollardan gowrak girdeji gazanan täjirçilik üstünlige öwrüldi.
Asyl filmiň dowamy: “Mumiýa gaýdyp gelýär”(“Мумия возвращается”) (2001) we “Mumiýa: Drakon imperatorynyň mazary” (“Мумия: Гробница императора драконов”) (2008), şeýle hem “Içýanlaryň şasy”(“Царь скорпионов”) (2002).
2017-nji ýylda Universal, baş rolda Tom Kruz bolan franşizany täzeden açmaga synanyşdy, ýöne film prokatda-da, tankytçylaryň arasynda-da şowsuzlyga uçrady, bu bolsa studiýanyň “Garaňky älemi” (“Тёмная Вселенная”) döretmek baradaky meýilnamasyny ýatyrdy.
