“Bawariýa” futbol kluby Germaniýanyň günortasynda suw joşmasyndan ejir çekenlere 1 mln ýewro bagyş etdi. Bu barada toparyň metbugat gullugynyň resmi saýtdaky habaryna salgylanyp, “Çempionat” ýazýar.
“Suw joşmasy uly zyýan ýetirip, elhenç jebirlere sebäp boldy. Şeýle adatdan daşary ýagdaýlarda aýratyn jemgyýetçilik ruhy zerur we muny häzir ýerlerde köp adamlar görkezýär. “Bawariýa” FK raýdaşlyk bildirip, ejir çekenleri goldamaga çalyşýar” – diýip, mýunhenlileriň metbugat gullugy klubuň prezidenti Gerbert Haýneriň sözlerini getirýär.
“Bawariýa” 2023/2024-möwsüminde Bundesliganyň ýaryş jedwelinde üçünji orny eýeledi. Topar häzirki möwsümde ýekeje kubogy-da gazanyp bilmedi.
