Madridiň “Real” futbol kluby amerikaly aýdymçy Teýlor Swiftiň “The Eras Tour” global konsert syýahatynyň çäklerinde toparyň “Santýago Bernabeu” stadionynda berjek konsertinden 9 mln ýewrodan gowrak girdeji gazanar. Bu barada “Marca” neşirine salgylanyp, RIA Nowosti ýazýar.
“Realyň” prezidenti Florentino Peres bilen Sixth Street we Legends Hospitality amerikan kompaniýalarynyň arasynda baglaşylan şertnama laýyklykda, çärelerden gelýän girdejileriň 70%-i Madrid toparynyň hasabyna geçer.
Teýlor Swiftiň Madriddäki konsertlerinden gelýän umumy girdeji 13 mln ýewro barabar. Şeýlelikde, “patyşalyk kluby” aýdymçynyň “Santýago Bernabeudaky” çykyşyndan, takmynan, 9,1 mln ýewro alar.
Şeýle-de, “Real” bilen amerikan kompaniýalarynyň arasynda toparyň stadionynda geçiriljek islendik beýleki çäreler üçin 360 mln ýewro möçberinde ylalaşygyň bardygy bellenilýär.
