5-nji iýunda Daşky gurşawy goramagyň bütindünýä güni mynasybetli “Türkmenistan – ekologiýa abadançylygynyň mekany” atly ylmy-amaly maslahaty geçirmek meýilleşdirilýär. Maslahata görülýän taýýarlyk barada wise-premýer T.Atahallyýew anna güni geçirilen Hökümet mejlisinde habar berdi.
Maslahata Oba hojalyk toplumynyň degişli ýolbaşçylarynyň hem-de hünärmenleriniň, Türkmenistanyň Mejlisiniň, halkara we sebit guramalarynyň, ýurdumyzyň jemgyýetçilik guramalarynyň wekilleriniň, şeýle hem alymlarynyň, ýokary okuw mekdepleriniň mugallymlarynyň we talyplarynyň gatnaşmagy göz öňünde tutulýar. Foruma sanly ulgam arkaly daşary ýurtly gatnaşyjylar hem goşularlar.
Serdar Berdimuhamedow Daşky gurşawy goramagyň bütindünýä güni mynasybetli geçiriljek ylmy-amaly maslahatyň ýokary derejede geçirilmegini üpjün etmegi tabşyrdy.
