Türkmenistandan üç boksçy Olimpiýa oýunlaryna ýollanma almak ugrunda Bangkokda ýaryşa çykýar

  • 25.05.2024 13:07
  • 9.9k+

Türkmenistandan üç türgen şu gün, 25-nji maýda Bangkokda başlaýan boks boýunça 2-nji Bütindünýä Olimpiýa saýlama ýaryşlaryna gatnaşar.

Tailandyň paýtagtyndaky ýaryş 133 ýurtdan 579 boksçyny ýygnar, olar 2024-nji ýylda Parižde geçiriljek Olimpiýa oýunlary üçin 51 ýollama ugrunda göreşerler.

Türkmenistanyň milli ýygyndysynyň düzüminde çykyş edýär:

-          Şükür Öwezow (57 kg çenli)

-          Saparmyrat Ödäýew (63,5 kg çenli)

-          Baýramdurdy Nurmuhammedow (71 kg çenli)

Şükür Öwezow we Baýramdurdy Nurmuhammedow Türkmen döwlet bedenterbiýe we sport institutynyň talyplarydyr. Saparmyrat Ödäýew Balkanabadyň 3-nji sport mekdebinde tälimçi bolup işleýär.

Bije çekişigiň jemi boýunça Şükür Öwezow ilkinji söweşini Saud Arabystanyndan Zyýat Ali Majraşi bilen geçirer. Bu söweşiň ýeňijisi indiki tapgyrda Karlo Paalam (Filippinler) – Alekseý Lagkazaşwili (Gresiýa) tutluşygynyň ýeňijisi bilen duşuşar.

Saparmyrat Ödäýew Gonkongdan Kon Çin Li bilen söweşer. Ýeňiş gazanan ýagdaýynda Wu Tan Dat (Wýetnm) – Sendbaatar Erdenebat (Mongoliýa) söweşiniň ýeňijisi bilen duşuşar.

2022-nji ýylda Hançžouda (Hytaý) geçirilen tomusky Aziýa oýunlarynyň bürünç baýrakçysy Baýramdurdy Nurmuhammedow Mongoliýadan 27 ýaşly Býamba-Erdene Otgonbaatara (2022-nji ýylyň Aziýa çempionatynyň bürünç baýrakçysy) garşy söweşer. Bu tutluşygyň ýeňijisi ikinji tapgyrda Nişant Dew (Hindistan) – Armando Bigafa Bigate Naae (Gwineýa-Bisau) söweşiniň güýçli türgeni bilen duşuşar.

Bangkokdaky ikinji Bütindünýä Olimpiýa saýlama ýaryşlary boksçylar üçin Olimpiada-2024-e ýollama almak üçin soňky mümkinçilikdir.

Parižde boks boýunça Olimpiýa ýaryşlary 27-nji iýuldan 10-njy awgust aralygynda “Rolan Garrosda” we “Arena Pari Nordda” geçiriler.


düýn 23:57
3.5k+

Türkmen agyr atletikaçylary Tähranda Fajr Cup ýaryşynda 8 altyn medal gazandylar

2025-nji ýylyň 26-30-njy noýabry aralygynda Eýranyň paýtagty Tähranda halkara agyr atletika ýaryşy geçirilýär, bu ýerde Türkmenistanyň milli ýygyndysy üstünlikli gatnaşýar. Türkmen türgenleri eýýäm 12 medal gazandylar, şol sanda 8 altyn we 4 bürünç medal...

27.11.2025 13:28
6.4k+

Gresiýadaky Olimpiýada 2026-njy ýylyň Gyşky Olimpiýa oýunlarynyň alawy ýakyldy

Gresiýanyň gadymy Olimpiýa şäherinde 2026-njy ýylyň Gyşky oýunlarynyň öňüsyrasynda Olimpiýa alawyny ýakmak dabarasy geçirildi. 2026-njy ýylyň Olimpiýa oýunlary 6-njy fewraldan 22-nji fewrala çenli Milanda we Kortina-d'Ampessoda (Cortina d'Ampezzo) geçiriler...

26.11.2025 10:39
4.5k+

9 altyn, 6 kümüş we 3 bürünç: Türkmen karateçileri Daşkentde geçirilen Aziýa çempionatynda üstünlikli çykyş etdiler

Türkmenistanyň milli ýygyndysy adaty karate boýunça Aziýanyň çempionatynda üstünlikli çykyş etdi. Ýaryş 2025-nji ýylyň 15–25-nji noýabry aralygynda Özbegistanyň paýtagty Daşkentde geçirildi. Türkmen türgenleri jemi 18 medala: 9 altyn, 6 kümüş we 3 bürünç medala mynasyp boldular...

25.11.2025 17:28
4.4k+

Türkmen tennisçileri Dewisiň Kubogy ugrundaky zolaklaýyn ýaryşyň ähli duşuşyklarynda ýeňiş gazandylar

Türkmen tennisçileri Dewisiň Kubogy ugrundaky zolaklaýyn ýaryşynda aýdyň üstünlik gazanyp, 2026-njy ýylda Aziýa we Okeaniýa zolaklarynyň IV toparynda çykyş etmäge hukuk gazandylar. Bu ajaýyp waka Isa-Taun şäherindäki...