Şeýle karar 2024-nji ýylyň 24-nji maýynda GDA-nyň Hökümet Baştutanlarynyň Geňeşiniň ýurtlaryň arasynda sport hyzmatdaşlygyny giňeltmek maksady bilen geçirilen mejlisinde kabul edildi. Şol bir wagtyň özünde Hökümet Baştutanlary Bedenterbiýe we sport geňeşine 2024 – 2025-nji ýyllar üçin bellenilen başlangyjy durmuşa geçirmäge gönükdirilen Çäreleriň meýilnamasynyň taslamasyny taýýarlamagy tabşyrdylar.
GDA-nyň Hökümet Baştutanlarynyň Geňeşiniň Aşgabat şäherini Arkalaşygyň täze sport mümkinçilikleriniň şäheri hökmünde yglan etmek baradaky karary soňky ýyllarda Arkalaşyk boýunça hyzmatdaşlaryň bilelikdäki iri göwrümli sport taslamalaryny durmuşa geçirmäge bolan gyzyklanmalarynyň artýandygyny, Türkmenistanyň GDA döwletleriniň bedenterbiýe we sport ugrundaky hyzmatdaşlyk şertnamasynyň durmuşa geçirilmegine, şeýle-de Arkalaşygyň ýurtlarynyň halklarynyň arasynda däp bolan dostlukly gatnaşyklary berkitmäge möhüm goşant goşýandygyny görkezýär.
