Hindi režissýory Paýal Kapadýanyň “Ähli göz öňüne getirýän zatlarymyz ýagtylyk ýaly” (Все, что мы представляем как свет) filmi 2024-nji ýyldaky Kann kinofestiwalynda esasy bäsleşige girdi. Hindi kinosy, 1994-nji ýyldan bäri abraýly kinofestiwalynyň baş baýragyna ilkinji gezek dalaş edýär.
Täze filmde, Mumbaýdaky garrylar öýünde işleýän iki şepagat uýasy Prabha we Anunyň hekaýasy gürrüň berilýär. Olar syýahata çykýarlar we täsin tokaýly kenarýaka şäherçesine düşýärler. Şol ýerde, olaryň arzuwlary hakykata öwrülýär.
Bary-ýogy 40 günüň içinde Mumbaýda surata düşürilen bu film, Kapadýanyň doly metražly kinodaky ilkinji tejribesidir. Ondan öň Kapadýa Kanna, 2017-nji ýylda Cinefondation programmasyna gatnaşan “Günortan bulutlary” (“Послеполуденные облака”) atly gysga metražly filmini hödürledi. 2021-nji ýylda bolsa, “A Night of Knowing Nothing” dokumental lentasy “Režissýorlaryň iki hepdeliginiň” çäginde “Altyn göz” baýragyna eýe boldy.
30 ýyl mundan ozal, film görkezilişiň esasy baýragy “Altyn palma şahasy” üçin Şaja N. Karunyň hindi filminiň bäsleşendigini, belläp geçeliň. “Hususy” (“Мой собственный”) filminde, ogluny ýitiren enäniň hekaýasy gürrüň berilýär.
