“Baýeriň” 21 ýaşly ýarym goragçysy Wirs Bundesligada möwsümiň iň gowy oýunçysy boldy

  • 20.05.2024 19:58
  • 4.7k+
“Baýeriň” 21 ýaşly ýarym goragçysy Wirs Bundesligada möwsümiň iň gowy oýunçysy boldy

Lewerkuzeniň “Baýeriniň” 21 ýaşly ýarym goragçysy Florian Wirs Germaniýanyň çempionatynda möwsümiň iň gowy oýunçysy diýlip ykrar edildi. Bu barada Bundesliganyň resmi saýtyna salgylanyp, “Çempionat” portaly ýazýar.

Häzirki möwsümde Wirs Bundesliganyň 32 oýnuna gatnaşyp, 11 gol geçirdi we 12 netijeli geçirim etdi.
Oýunçynyň “Baýer” bilen häzirki şertnamasy 2027-nji ýylyň tomsuna çenli niýetlenýär. Transfermarkt portalynda berlen maglumatlara görä, futbolçynyň bazar bahasy 110 mln ýewro barabar.
Belläp geçsek, “Baýer” taryhda ilkinji gezek Germaniýanyň çempionatynda ýeňiji boldy we muny ýaryşyň dowamynda ýekeje ýeňlişe-de sezewar bolman gazanmagy başardy. Habi Alonsonyň topary Germaniýanyň Kubogyna-da dalaş edýär, onuň finalynda “Kaýzerslautern” bilen oýnar. Şeýle-de, topar Ýewropa ligasynyň finalynda Italiýanyň “Atalantasy” bilen duşuşar.

N'Golo Kanteniň «Fenerbahçä» transferi resminama alşylanda ýalňyşlyk sebäpli ýatyryldy
düýn 19:59
2.6k+

N'Golo Kanteniň «Fenerbahçä» transferi resminama alşylanda ýalňyşlyk sebäpli ýatyryldy

Ýarym goragçy N'Golo Kanteniň ​«Al-Ittihad» saud klubundan Türkiýäniň «Fenerbahçe» toparyna amala aşyrylmaly  transferi tehniki näsazlyk sebäpli ýatyryldy. Stambul klubunyň metbugat gullugynyň habar bermegine görä, transferiň bökdenmegi taraplaryň arasynda resminama çalşygy mahalynda ýüze çykdy...

Lukman «Atletiko» Madridiň düzüminde oýna çykar, «Liwerpul» 72 mln ýewro goragçy aldy
düýn 10:14
3.1k+

Lukman «Atletiko» Madridiň düzüminde oýna çykar, «Liwerpul» 72 mln ýewro goragçy aldy

Angliýanyň «Liwerpul» futbol kluby Fransiýanyň «Renn» toparynyň 20 ýaşly goragçysy Žeremi Žakeni transfer edendigini resmi taýdan yglan etdi. Ýaş goragçy iňlis klubuna şu ýylyň tomsunda goşular. Insaýder Fabrisio Romanonyň berýän maglumatyna görä, fransuz goragçysy mersisaýdlylara 60 million ýewro düşdi...

Karim Benzema resmi taýdan «Al-Hilýalyň» oýunçysy boldy
düýn 09:57
4.3k+

Karim Benzema resmi taýdan «Al-Hilýalyň» oýunçysy boldy

Fransiýanyň milli ýygyndysynyň öňki hüjümçisi Karim Benzema «Al-Hilýal» klubuna geçdi. Bu barada klubuň metbugat gullugy «X» sosial ulgamyndaky resmi sahypasynda habar berdi. Öň «Al-Ittihadda» çykyş eden 38 ýaşly futbolçy Saud Arabystanynyň Pro-ligasynyň häzirki lideri «Al-Hilýal» bilen 2027-nji ýylyň tomsuna çenli şertnama baglaşdy...

Ronaldu "Al-Nasr" üçin meýdança çykmakdan ýüz dönderýär. Onuň Aşgabada gelmegi sorag astynda
02.02.2026 12:22
18k+

Ronaldu "Al-Nasr" üçin meýdança çykmakdan ýüz dönderýär. Onuň Aşgabada gelmegi sorag astynda

Kriştianu Ronaldu ýene-de üns merkezine düşdi. Ýöne bu gezek gollary bilen däl-de, dörän gapma-garşylyklar sebäpli düşdi. Portugaliýanyň «A Bola» neşiriniň habar bermegine görä, ýyldyz hüjümçi «Al-Nasryň» «Er-Riýad» toparyna garşy geçirjek nobatdaky duşuşygyna gatnaşmazlygy mümkin...